Kooxda kubadda cagta ee Olympic stars ayaa  ku guulaysatay koobkii kubadda cagta  ee lagu maamuusayay bisha  ramadaanka, ka dib markii ay dhabarka u saariyeen 7 gool iyo 4, ciyaartii kama dambaysta ee lagu xirayay  koobka  Ramadaanka oo habeenimadii Ciidda lagu qabtay garoonka kubadda cagta ee Burnsville.

 Shiikha oo koobkii kaalinta 1aad guddoonsiinaya 
  kabtanka kooxda Olympic stars Mustaf Germany


   
            C/casiis Biixi oo tartanka ka warbixinaya
  
 Ciyaarahani oo soo billiowday horraantii bisha ramadaanka, ayaa waxaa ka soo qayb galay  11 kooxood oo ka mid ah kooxaha ka dhisan gobolka Minnesota, waxaana habeen kasta soo camiri jiray garoonkaasi dadweyne aad u faro oo kala taageerayay kooxihii halkaasi ku hardamayay.

Haddaba ciyaarihii semifinalka oo aad u xaraarad badnaa ayaa habeenimadii 09/18/2009 waxaa isku haleelay kooxihii ugu adkaa tartanka, kuwaasi oo u kala adkaaday sidan:Midnimo ayaa iyadu 3 iyo 2 ku muquunisay kooxda Cedar.halka  Kooxda Olympic Stars iyaduna  ay  2 iyo 0 ku sabarsiisay kooxda Somali Tigers oo iyadu ah horyaalka kubadda cagta ee Minnesota.

Haddaba ciyaartii kama dambaysta oo la qabtay habeenkii Ciidda ayaa waxaa foodda is daray Kooxaha Midnimo iyo Olympic Stars oo iyagu ka mid ah kooxaha ciyaarahooda loogu jecel yahay ee ka dhisan gobolka Minnesota.

                Kooxda Olympic Stars



                     Kooxda Midnimo

Billowgii hore ee cayaarta ayaa inamada Olympic Stars ay si fiican isugu dhiidhiibeen kubaddo gaagaaban,waxaana u suurogashay in laba gool oo xiriir ah uu halkaasi uga dhaliyo ciyaaryahan Maysar Alyasin oo habeenkaasi ahaa xiddiga garoonka. Daqiiqaddii 25aad ayay wiilasha kooxda Midnimo heleen goolkoodii ugu horreeyay kaasoo uu u saxiixay ciyaaryahan Cali Baashi oo lambarka 19aad u watay kooxda Midnimo, hase yeeshee inamada midnimo ma aysan xajisan goolkaasi oo waxaa daqiiqad gudaheeda gool kale ka dhaliyay Cali Baskuwaale oo ka mid ah weeraryahannada ugu culus kooxda Olympic Stars. Qaybtii hore ee cayaarta ayaa ku soo idlaatay 4 Gool  iyo 1 oo ay hogganka ku hayeen kooxda Olympic Stars .

       Maysar Alyasin- xiddiggii garoonka

Qaybtii labaad ee cayaarta ayaad moodaa in koox markay gool dhalisoba ay  kooxda kale gool dhalinaysay, kooxda Olympic waxaa ay dhaliyeen 3 gool oo 2 ka mid ah uu u saxiixay ciyaaryahan Suleymaan, halka goolka kale uu u dhaliyay Maysar,Kooxda Midnimo iyaduna waxaa u saxiixay 3daxda gool ee dambe ciyaaryahannadii kala ahaa: Yuusuf, iyo ciyaaryahannadii u kala watay numbarrada 17aad & 0.  Ciyaartiina waxaa ay ku soo idlaatay 7 gool oo ay guushu ku raacday kooxda Olympic stars, halka kooxda Midnimo ay ka keensadeen 4 gool.

Tababaraha kooxda kubadda cagta ee Olympic Stars Coach Cabdulqaadir Cabdi Xuseen oo loo yaqaan (Agent) oo aan kula kulmay garoonka ay cayaarahu ka socdeen ayaa ii sheegay in kooxdu ay diyaargaroow dheer u soo galeen hanashada tartankaasi, taasoo aad ka dareemi karto muddadii tartanku uu socday inaanan kooxda marnaba laga adkaan kulamadii ay soo cayaareen oo dhamaa 6 kulan, wuxuuna sii saadaaliyay in kooxdu ay guulo ka soo hoyn doonto tartamada ciyaaraha ee nagu soo fool leh.


    Tababare C/qaadir Cabdi Xuseen(Agent)

 Mar uu ka waramayay awoodda kooxda uu haysto ayuu ii sheegay in kooxdu ay u cayaaraan dhallinyaro waayo arag ah oo farsamadooda ciyaareed ay aad u heer sarreyso, kalsoonina uu ku qabo ciyaaraha dambe haddii Alle idmo.

Dhallinyarada guusha u soo hoysay kooxda Olympic Stars ayaa waxay kala ahaayeen:Cali Baskuwaale, Maysar Alyasin,Ayub Axmed(Etto),Mustaf Cartan(Mustaf Germany),Yuusuf Abgaaloow,Maxamed Dhoobeey, Suleymaan,Cabdullahi Axmed(Duwe), Goolhaye Cabdifataax .Cabdullahi,Hondo iyo Laacibka waayo aragga ah Maxamed Xasan(Bistoolo).

Sidan ayaa loogu kala guulaystay abaalmarinadii;

1^st Place                   Olympic Stars Champion

2^nd Place                   Kooxda Midnimo

Top Scorer               Bashiir, Kooxda Midnimo

Best Goal Tender    Jama, Cedar Stars

Tournment MVP       Bashiir,Kooxda Midnimo

Final MVP                Maysar,Kooxda Olympic Stars

Best Coach              Macallin Xarbi,Somali Tigers

F.G: Haddii aad rabto inaad daawato sawiro intaasi ka badan riix Ramadan Cup-MN 2009 dhinaca bidix ee sare